به‌هۆى داواكردنى هه‌لى كاره‌وه‌ فه‌رمانى گرتن بۆ چوار گه‌نجى كفرى ده‌رده‌كرێت

2021/05/20 - 09:10 | 567 جار بینراوە    
 
ده‌نگ نێت
 
به‌هۆى ئه‌نجامدانى خۆپیشاندانه‌وه‌ له‌ قه‌زاى كفرى فه‌رمانى گرتن بۆ چوار گه‌نج ده‌رده‌كرێت و قائیمقامى قه‌زاكه‌ش له‌و باریه‌وه‌ بێده‌نگه‌.
 
دوێنى ژماره‌یه‌ك گه‌نجى كفرى به‌هۆى ئه‌وه‌ى ده‌رفه‌تى كاركردنیان نه‌بوه‌ له‌ عه‌لوه‌ى كفرى خۆپیشاندانێكیان ئه‌نجامدا و بۆ نزیكه‌ى كاتژمێرێك رێگاى كفرى-خورماتویان داخست. 
 
هیوا ره‌شید، یه‌كێك له‌و گه‌نجانه‌ى فه‌رمانى گرتنى بۆ ده‌ركراوه‌ به‌ رادیۆى ده‌نگى وت: كه‌ ئه‌وان به‌هۆى ئه‌وه‌ى كاریان ده‌ستنه‌كه‌وتوه‌ له‌ عه‌لوه‌ى كفرى خۆپیشاندانیان كردوه‌ و دواتر خۆپیشاندانه‌ پشێوى لێكه‌وتوه‌.
 
وتیشى: به‌هۆى ئه‌وه‌ى فه‌رمانى گرتنمان بۆ ده‌كراوه‌ هه‌ڵهاتوین له‌ قه‌زاكه‌ و دوجار هێزى ئه‌منى بۆ ده‌ستگیركردنم رۆشتونه‌ته‌ به‌رده‌رگاى ماڵمان.
 
به‌ پێی زانیارییه‌كانى رادیۆى ده‌نگ فه‌رمانى گرتن بۆ چوار گه‌نج له‌و گه‌نجانه‌ ده‌ركراوه‌ كه‌ خۆپیشاندانیان كردوه‌.
 
رادیۆى ده‌نگ بۆ وه‌رگرتنى زانیارى له‌سه‌ر ئه‌و بابه‌ته‌ چه‌ندجارێك په‌یوه‌ندى به‌ سیروان شكور قائیمقامى به‌ وه‌كاله‌تى قه‌زاى كفرییه‌وه‌ كرد، به‌ڵام په‌یوه‌ندیه‌كانى بێ وه‌ڵام بو.
 
 



Dengnet.net - 2024
دروستکراوە لەلایەن کۆمپانیای (کۆدتێك)ەوە
ژمارەی سەردان 1,663,848     ژمارەی میوان 740