نەتەوە یەکگرتووەکان: بەرتەسکردنەوەی ئازادی رادەربڕین لەهەرێمی کوردستان لە هەڵکشاندا بوە

2021/05/12 - 03:25 | 697 جار بینراوە    
 
ده‌نگ نێت
 
بەپێی راپۆرتی نەتەوە یەکگرتووەکان کە ئەمڕۆ بڵاوكراوه‌ته‌وه‌ باس له‌وه‌ ده‌كات رەخنەگرانی دەسەڵات نەك تەنها دوچاری مەترسیی تۆقاندن و بەربەست خستنە بەردەم جوڵە و گرتنی هەڕەمەکی بوونەتەوە، بگرە هەندێکیان بە تۆمەتی ناوزڕاندنیش تۆمەتبارکراون.
 
له‌ راپۆرته‌كه‌دا ئه‌وه‌شهاتوه‌: لەماوەی ساڵی رابردودا بەرتەسکردنەوەی ئازادی رادەربڕین لەهەرێمی کوردستانی عیراقدا لە هەڵکشاندا بوە.
 
میشێل باشلێت، کۆمیسیاری باڵای مافەکانی مرۆڤ له‌ راپۆرته‌كه‌دا ده‌ڵێت: شێوازەکانی سەرکوتکرن کەلەم راپۆرتەدا دۆکۆمێنت کراون زۆر جێگای نیگەرانین، چونکە نەك تەنها تیشك دەخەنەسەر هەرەشەو تۆقاندن لە رەخنەگران بگرە ئەم جۆرە رێکارانە کاریگەریەکی ترسناکیشی دەبێت بەسەر ئەوکەسانەی هەوڵی شەفافیەت و لێپیچینەوە دەدەن لە دەسەڵاتە حکومییەکان.
 
هاوكات لە راسپاردەکانیدا، راپۆرتەکە هانی دەسەڵاتەکانی هەرێمی کوردستان دەدات کە هەنگاوی دەستبەجێ بگرنەبەر بەمەبەستی فەراهەمکردنی پاراستنی تەواوی مافی ئازادی رادەربڕین کۆتاییهێنان بە هەراسانکردن و ترساندن و تۆڵەسەندنەوە لە رۆژنامەنوسان و داکۆکیکارانی مافەکانی مرۆڤ و چالاکوانان.
 
 
بۆ خوێندنەوەى راپۆرتەکە تکایە کلیک لێرە بکە.
 



Dengnet.net - 2024
دروستکراوە لەلایەن کۆمپانیای (کۆدتێك)ەوە
ژمارەی سەردان 1,664,388     ژمارەی میوان 533