دەنگ نێت
رێکخراوی پاراستنی رۆژنامەوانانی جیھانی رەخنەی توند لە بڕیاری سزادانی رۆژنامەوان و چالاکوانانی بادینان دەگرێت و قسەکردنی حکومەتی ھەرێمیش لەبارەی بونی ئازادیی رۆژنامەوانی بە قسەی پوچ ناودەبات.
ئیگناسیۆ میگێل دیلگادۆ، نوێنەری رێکخراوەکە لە رۆژھەڵاتی ناوەڕاست و باکوری ئەفریقا دەڵێت: "بڕیاری دادگای پـێداچوونەوە لە پەسەندکردنی سزای زیندانی 6 ساڵ بۆ هەردو رۆژنامەوان: شێروان ئەمین شێروانی و گوهدار زێباری، دەریخست ئەوەی گوایا حکومەتی هەرێمی کوردستانی عێراق پابەندە بە ئازادی رۆژنامەوانی، تەنیا قسەی پوچن."
داواشدەکات دەسەڵاتداران دەستبەجێ ئەو تۆمەتانەی ئاراستەی ھەردو رۆژنامەنوسەکە کردویانە ھەڵبوەشێننەوە و ھەردوکیان ئازاد بکەن.