گه‌نجێكى كه‌لاریی له‌ رێگاى یۆنان خنكا

2021/04/27 - 08:54 | 575 جار بینراوە    
 
ده‌نگ نێت
 
گه‌نجێكى كه‌لاریی به‌ناوى عه‌لی حسێن، له‌ رێگاى كۆچكردنى بۆ ئه‌وروپا له‌ ئاوێكى نێوان توركیا و یۆنان خنكا.
 
هونه‌ر زه‌كی، ئامۆزای قوربانیه‌كه‌ به‌ ده‌نگ نێتى وت: ئامۆزاكه‌یان ماوه‌ى چوار مانگه‌ له‌ توركیایه‌ به‌مه‌به‌ستى كۆچكردن بۆ ئه‌وروپا، له‌م رۆژانه‌دا له‌كاتى په‌ڕینه‌وه‌ى بۆ یۆنان، له‌ په‌له‌ ئاوێكى لاوه‌كی توركیا خنكاوه‌ و به‌وهۆیه‌وه‌ گیانى له‌ده‌ستداوه‌.
 
رونیشیكرده‌وه‌: ئامۆزاكه‌ى ته‌مه‌نى ٢٤ ساڵ بوه‌ و پێشتر له‌ كه‌لار پیشه‌ى چایچی بوه‌، له‌ پاش چونى بۆ توركیا چه‌ند جارێك ویستویه‌تى به‌ رێگاى قاچاخ ده‌ربازی یۆنان بێت، به‌ڵام گیراون و گه‌ڕێنراونه‌ته‌وه‌.
 
باسی له‌وه‌شكرد: ئێستا ته‌رمى ئامۆزاكه‌یان له‌ توركیایه‌ و پارێزه‌ریان گرتوه‌ و سه‌رقاڵی ئه‌وه‌ن ته‌رمه‌كه‌ى بگه‌ڕێننه‌وه‌ هه‌رێمى كوردستان.
 
 



Dengnet.net - 2024
دروستکراوە لەلایەن کۆمپانیای (کۆدتێك)ەوە
ژمارەی سەردان 1,664,128     ژمارەی میوان 276