٦١ دادوەر داوای کۆتاییھێنان بە لێبڕینی موچە و دورخستنەوەی دەستی حزب دەکەن

2021/04/26 - 01:50 | 106 جار بینراوە    
 
دەنگ نێت
 
٦١ دادوەر و ئەندامی داواکاری گشتی ھەرێم، داوای کۆتاییھێنان بەلێبڕینی موچە دەکەن و دەڵێن پاساو نەماوە بۆ ئەو کارە، داواش دەکەن دەستی حزب لە کایەی دادوەریی دوربخرێتەوە.
 
لەبەیاننامەیەکدا کە ئەمڕۆ بڵاویان کردوەتەوە، ئەو ٦١ دادوەرە باس لەوەدەکەن کە حکومەت دەبێت چاکسازی بکات و کۆتایی بە دیاردەی بونی دوموچە و سێ موچە بھێنێت نەک دەست بۆ موچەی شایستەی فەرمانبەران ببات.
 
ھەروەک داواش دەکەن کۆتایی بە لێبڕینی موچە بھێنرێت، پێیان وایە بەرزبونەوەی نرخی نەوت بۆ سەروی ٦٥$ بۆ یەک بەرمیل، پاساوی ئەنجامدانی ئەو لێبڕینە ناھێڵێت.
 
بەتایبەتیش دژی ئەوە دەوەستنەوە کە موچەی دادوەران بە رێژەی ٥٠٪‏ کەم بکرێتەوە.
 
لە بەشێکی تری بەیاننامەکەدا، جەخت کراوەتەوە لە پێویستی سەربەخۆ بونی دەسەڵاتی دادوەریی و دورخستنەوەی دەستی حزب و دەستوەردانی حزبی و رێزگرتن لە سەروەریی یاسا و دەسەڵاتی دادوەریی.
 
 



Dengnet.net - 2021
دروستکراوە لەلایەن کۆمپانیای (کۆدتێك)ەوە
ژمارەی سەردان 146,911     ژمارەی میوان 11