ده‌نگ نێت
به‌ڕێوبه‌رى ئاوى كه‌لار ده‌ڵێت: به‌هۆى وشكه‌ساڵى و كه‌مبونه‌وه‌ى ئاوى روبارى سیروان مه‌ترسى كه‌م ئاوى له سنوره‌كه هه‌یه.
سامان ره‌حیم، به‌ڕێوبه‌رى به‌ڕێوبه‌رایه‌تى ئاوى كه‌لار به رادیۆى ده‌نگى وت: "به‌هۆى كه‌مى بارانیارن و وشكه ساڵیه‌وه ئاوى ژێر زه‌وى له روى كوالێتیه‌وه ماده كیمیایه‌كانى ده‌گۆرێت ئه‌مه‌ش وا ده‌كات شیاو نه‌بێت بۆ خواردنه‌وه.
ئاماژه‌ى به‌وه‌شكرد: به‌هۆى كه‌مبونه‌وه‌ى ئاوى روبارى سیروان و كه‌مكردنه‌وه‌ى له به‌نداوى ده‌ربه‌ندیخانه‌وه پێویستمان به حه‌وزى دیكه ده‌بێت كه قوڵتر دروست بكرێت بۆ ئه‌وه‌ى گلدانه‌وه‌ى ئاو.
وتیشى: تا ئێستا گرفتى كه‌م ئاوییمان نیه، چونكه هه‌ندێك رێكار گیراوه‌ته به‌ر بۆ چاره‌سه‌ركردنى ئه‌و گرفته.