جێگرى سه‌رۆكى حكومه‌ت وه‌ڵامى وه‌زاره‌تى شاره‌وانى ده‌داته‌وه‌

2021/04/09 - 08:34 | 773 جار بینراوە    
 
ده‌نگ نێت
 
جێگرى سه‌رۆكى حكومه‌تى هه‌رێم وه‌ڵامى راگه‌ینراوه‌كه‌ى وه‌زاره‌تى شاره‌وانى ده‌داته‌وه‌ كه‌ ئاماژه‌ى به‌وه‌كردبو ئه‌و زه‌ویانه‌ى دابه‌شكراون به‌هایی یاساییان نیه‌، ده‌ڵێت: هیچ کەس و هێزێک نیە، بتوانێت لەبەردەم مافە رەواکانتان بوەستێتەوە. 
 
قوباد تاڵه‌بانى، له‌ رونكردنه‌وه‌یه‌كدا له‌سه‌ر دابه‌شكردنى زه‌وى بۆ زیندانیانی سیاسی و ڕزگاربوانی شاڵاوی ئەنفال ئاماژه‌ى به‌وه‌شكردوه‌: وەرگرتنی زەوییەکانتان مافێکی ڕەوا و یاسایی خۆتانە و دڵنیاتان دەکەمەوە کە هیچ کەس و هێزێک نیە، بتوانێت لەبەردەم مافە رەواکانتان بوەستێتەوە. 
 
ده‌شڵێت: ئەو زەوییانەی وەری دەگرن هەموو ڕێکارێکی یاسایی پێویستی بۆ كراوە و بەپێی سێ فەرمان لە کابینەی هەشتەمی حکومەتی هەرێمی کوردستان دەرکراون و رێکارەکان لەکابینەی نۆیەمدا تەواوکراون، کە ناوەڕۆکی سێ فەرمانەکە بریتییە لە دابەشکردنی زەوی بەسەر ١١١٤٢ کەس لە کەسوکاری شەهید و ئەنفالکراوان و زیندانیانی سیاسی لە هەموو پارێزگاکانی کوردستان.
 
 
 



Dengnet.net - 2022
دروستکراوە لەلایەن کۆمپانیای (کۆدتێك)ەوە
ژمارەی سەردان 836,697     ژمارەی میوان 44