كفرى: به‌هۆى ته‌قه‌كردنه‌وه‌ باوك و كوڕێك ده‌ستگیركران

2021/04/03 - 06:00 | 849 جار بینراوە    
 
ده‌نگ نێت
 
له‌ قه‌زاى كفرى به‌هۆى ته‌قه‌كردن له‌ ماڵى هاوڵاتیه‌ك ئاسایش دو تۆمه‌تبارى ده‌ستگیر كردوه‌ كه‌ باوك و كورێكن.
 
عوسمان عه‌بدلكه‌ریم، وته‌بێژى ئاسایشى گه‌رمیان به‌رادیۆى ده‌نگى راگه‌یاند: نیوه‌رۆى ئه‌مڕۆ  له‌ لایه‌ن باوك كوڕێكه‌وه‌ به‌هۆى كێشه‌یه‌كى كۆمه‌ڵایه‌تیه‌وه‌ ته‌قه‌یان له‌ ماڵى هاوڵاتیه‌ك كردوه‌ و هاوڵاتیه‌كه‌یان بریندار كردوه‌.
 
ئاماژه‌ى به‌وه‌شكرد:پاش روداوه‌كه‌ ئاسایشى كفرى دو تۆمه‌تباریان به‌ ناوه‌كانى (محه‌مه‌د و ئه‌نوه‌ر) ده‌ستگیر كردوه‌ و ده‌ستیان گرتوه‌ به‌سه‌ر چه‌كێكى كڵاشینكۆفدا له‌گه‌ڵ ئۆتۆمبێلێكى جۆرى سه‌نى كه‌ تاوانه‌كه‌یان پێ ئه‌نجامداوه‌.
 
عوسمان عه‌بدلكه‌ریم، لەسەر بڕیاری بەڕێز دادوەری لێکۆڵینەوە هەردو تۆمەتبار بە پێی مادەی 31/405 لە یاسای سزادان راگیراون و دواتر بە پێی تایبەتمەندی تاوانەکەیان هەردو تۆمەتبار لە گەڵ چەک و یٔۆتۆمبیلەکەدا ڕەوانەی بەڕێوەبەرێتی پۆلیسی کفری کران.
 
 



Dengnet.net - 2024
دروستکراوە لەلایەن کۆمپانیای (کۆدتێك)ەوە
ژمارەی سەردان 1,664,866     ژمارەی میوان 560