دەنگ نێت
لەم ھەفتەیەدا ١٣٣ کەس توشی کۆرۆنا بون و بەڕێوبەری گشتی تەندروستی گەرمیان رایدەگەیەنێت: توشبون و مردن بە کۆرۆنا دو هێند زیادیکردوە.
د. سیروان محەمەد جەمال، لە پۆستێکدا لە ھەژماری خۆی لە فەیسبوک بڵاویکردوەتەوە: لە دوای جەژنی نەورۆزەوە، توشبوون بە کۆرۆنا و مردن بە کۆرۆنا دو هێند زیادی کردوە.
دەشڵێت: "خۆپارێزی بە ماسک و دوورکەوتنەوە لە قەرەباڵغی ئەرکی هەمووانە".
بەپێی ئامارەکانی وەزارەتی تەندروستی، لەماوەی ئەم ھەفتەیەدا 'شەمە بۆ چوارشەمە'، ١٣٣ کەس لەگەرمیان توشی کۆرۆنا بون، ھاوکات ھەر ئەم ھەفتەیە ٢ کەس بە کۆرۆنا گیانیان لەدەستداوە.