ژمارەیەک گەڕەکى کەلار بێ ئاو دەبن

2021/03/28 - 11:27 | 747 جار بینراوە    
 
ده‌نگ نێت
 
به‌هۆى به‌ستنى پێوه‌رى زیره‌كى كاره‌با به‌رێوبه‌رایه‌تى ئاوى كه‌لار و پاڵاوگه‌ى ئاوى كه‌لار بێ كاره‌بابون، ئه‌مه‌ چه‌ندجارێكه‌ ژماره‌یه‌ك له‌ گه‌ره‌كه‌كان به‌و هۆیه‌وه‌ بێ ئاو ده‌بن.
 
سامان ره‌حیم، به‌ڕێوبه‌رى ئاوى كه‌لار به‌ رادیۆى ده‌نگى وت: به‌ هۆى به‌ستنى پێوه‌رى زیره‌كى كاره‌باوه‌ پاڵاوگه‌ى ئاوى كه‌لار2 و دیوانى به‌ڕێوبه‌رایه‌تیمان بێ كاره‌با بوه‌ و تا ئێستا مامه‌ڵه‌ى هاوڵاتیانیشمان رایی نه‌كردوه‌.
 
وتیشى: به‌ نوسراو به‌رێوبه‌رایه‌تى كاره‌باى گه‌رمیانمان ئاگادار كردوه‌ته‌وه‌ بۆ ئه‌وه‌ى پێش برینى كاره‌با ئاگادارمان بكه‌نه‌وه‌، به‌ڵام وه‌ڵامیان نه‌داوه‌ته‌وه‌.
 
له‌به‌رامبه‌ردا حازم كه‌ریم، به‌رێوبه‌رى گشتى كاره‌باى گه‌رمیان به‌ رادیۆى ده‌نگى وت: له‌ ماوه‌ى ئه‌و مانگه‌دا كه‌ پێوه‌رى زیره‌كیان بۆ ئه‌و گه‌ره‌كه‌ به‌ستوه‌ ئه‌مه‌ چوارمین جاره‌ كه‌ كاره‌باى ئه‌و گه‌ڕه‌كه‌ تا دوى نیوه‌رۆ براوه‌.
 
ئاماژه‌ى به‌وه‌شكرد: ئه‌گه‌ر له‌م وه‌رزه‌ نه‌بێت ئه‌وا ده‌بو له‌ هاوین كاره‌بامان ببریایه‌، ئه‌مرۆ به‌ستنى پێوه‌ر كۆتاى دێت له‌و گه‌ره‌كه‌.
 
 



Dengnet.net - 2024
دروستکراوە لەلایەن کۆمپانیای (کۆدتێك)ەوە
ژمارەی سەردان 1,664,760     ژمارەی میوان 550