پارێزەی دۆسیه‌كه‌ى غالب محمد: لەبەر بەلاڕێدابردنی دۆسیەکە داوای گواستنەوەیمان كردوه‌

2021/03/17 - 04:09 | 639 جار بینراوە    
 
ده‌نگ نێت
 
پارێزەی دۆسیه‌كه‌ى غالب محمد، دەڵێت لەبەر بەلاڕێدابردن و ترس لەسەر دۆسیەکە داوای گواستنەوەی دۆسیەکەمان کردوە لە دادگای لێکۆڵینەوەی سلێمانی بۆ ئەنجومەنی باڵای دادوەری عێراق.
 
وریا محمد، پارێزەی دۆسیه‌ی غالب محمد، ئه‌ندامى ئه‌نجومه‌نى نوێنه‌رانى عێراق بە ڕادیۆی دەنگی راگەیاند: تا ئێستا داواكارییه‌ و داوامانكردوه‌ دۆسیه‌كه‌ بگوازینه‌وه‌.
 
وتیشى: هه‌مو كه‌سێك ده‌توانێت داواى گواستنه‌وه‌ى دۆسیه‌كه‌ى ئه‌گه‌ر مه‌ترسى له‌سه‌ر به‌ لاڕێدا بردنى دۆسیه‌كه‌ هه‌بێت، ئێمه‌ش لەبەر بەلاڕێدابردن و ترس لەسەر دۆسیەکە داوای گواستنەوەی دۆسیەکەمان کردوە لە دادگای لێکۆڵینەوەی سلێمانی بۆ ئەنجومەنی باڵای دادوەری عێراق.
 
ئێوارەی 28-2 ، د. غالب محەمەد عەلی، پارلەمانتاری کورد لە ئەنجومەنی نوێنەرانی عێراق لەسەر لیستی بزوتنەوەی گۆڕان و ھاوپەیمانی ھیوا، لە بەردەم ماڵەکەی خۆیدا بە چەقۆ و بۆکسی ئاسنین لەلایەن کەسێکەوە ھێرشی کرایە سەر و بریندارکرا، دواتر ئاشکرا بو کە ھێرشکەرەکە بە (حامیدە سور) بەناوبانگە و پێشتر لە ھێزە ئەمنیەکانی سەر بە پارتی کاریکردوە. دواتر راگەیەنرا کە ماڵەکەیان پشکنراوە، بەڵام توانیویەتی ھەڵبێت و گومانەکان بۆ ئەوە دەچن کە بەرەو ھەولێر و ناوچەکانی ژێر دەسەڵاتی پارتی چوبێت.
 
 
 



Dengnet.net - 2022
دروستکراوە لەلایەن کۆمپانیای (کۆدتێك)ەوە
ژمارەی سەردان 836,826     ژمارەی میوان 32