حكومه‌تى هه‌رێم ته‌نها پاره‌ى بۆ 2 پرۆژه‌ى رێگاوبانى گه‌رمیان دابین كردوه‌

2022/06/27 - 06:24 | 631 جار بینراوە    
 
ده‌نگ نێت
 
حکومەتی هەرێمی کوردستان کۆی خەرجیەکانی بۆ سێکتەری رێگاوبان لە دەستپێکی کابینەی نۆیەم خستەڕو، لە كۆی پڕۆژەكانى رێگاوبان له‌ ته‌واوى هه‌رێم، تەنها پارە بۆ 2 پڕۆژەى گه‌رمیان دابین کراوە.
 
خەرجیەکانی کابینەی نۆیه‌مى حکومەتی هه‌رێمى کوردستان بە کۆی گشتی 840 ملیار دینار بوە، زۆرنرین بڕی ئه‌م پاره‌یه‌ش بۆ سێکتەری رێگاوبان بوه‌ كه‌ بریتی بوه‌ له‌: (392) ملیار دینار، ئه‌مه‌ش به‌پێی راگه‌یه‌نراوی خودى حكومه‌ت.
 
هه‌ربه‌پێی ئه‌و داتایانه‌، بودجەی دابینیکراو بۆ گەرمیان لە بوارى رێگاوبان دا تەنها 80  ملیار بوە کە 65 ملیاریان بۆ رێگه‌ى كه‌لار- سلێمانى خه‌رجكراوه‌ و 15 ملیاریش بۆ پرۆژه‌ى رێگای کەلار- کفری.
 
واتا لە کۆی زیاتر لە 150 پڕۆژەی رێگاوبان لەم کابینەیه‌ی حکومه‌ت دا، تەنها 2 پڕۆژەی رێگاوبان پارەیان بۆ تەرخانکراوە کە یەک پڕۆژەشیان تەواو کراوە.
 
بەڕێوبەری رێگاوبانی گەرمیان، عه‌دنان خەلیل، بە رادیۆی دەنگی وت: ژماره‌یه‌كى زۆر پرۆژه‌ى رێگاوبانمان پێویسته‌ له‌ سنورى گه‌رمیان، كه‌ خۆی له‌نێوان 150 بۆ 200 پرۆژه‌دا ده‌بینێته‌وه‌، كه‌ بۆ ته‌واوكردنیان پێویستمان به‌ 500 ملیار دینار ده‌بێت.

 




Dengnet.net - 2024
دروستکراوە لەلایەن کۆمپانیای (کۆدتێك)ەوە
ژمارەی سەردان 1,663,524     ژمارەی میوان 572