وتەبێژی دەروازەی پەروێزخان بۆ به‌رپرسی لقی پارتى: وەڵامی بەرپرسی حزبی نادەینەوە

2022/05/15 - 07:31 | 582 جار بینراوە    
 
ده‌نگ نێت
 
لەبارەی لێدوانی بەرپرسێکی پارتی بە هێنانی کاڵای قاچاخ لە دەروازەی پەروێزخانەوە، وتەبێژی دەروازەکە دەڵێت: "وەڵامی بەرپرسی حزبی نادەینەوە".
 
بەرپرسی لقی خانه‌قینی پارتى دیموكراتى كوردستان، شێخ جەعفەر مسته‌فا، له‌ چه‌ند رۆژى رابردودا باسی لەوە کردوە لە دەروازەی پەروێزخانەوە سەروپێی جۆرە ئاژەڵێک هاوردە دەکرێت کە نازانرێت هی چ جۆره‌ گیاندارێکە. هاوکات باسی لەوە کردوە چەندین جۆری قاچاخچێتى لە دەروازەکە بونی هەیە، ئه‌مه‌ سه‌رباری قۆرخکردنی داهاتی دەروازەکە لە لایەن حزبەوە.
 
لەباره‌ى ئه‌م قسانه‌وه‌، رادیۆی ده‌نگ په‌یوه‌ندی به‌ بەڕێوبەری دەروازەی پەروێزخان، عەباس ئیسماعیله‌وه‌ كرد، به‌ڵام ئامادە نەبو لێدوان بدات.
 
هاوکات وتەبێژی دەروازەکە، وتەکانی ئەو بەرپرسە رەت دەکاتەوە و به‌ ناڕاست ناوی ده‌بات.
 
شەرمین عه‌لی، به‌ رادیۆی ده‌نگى وت: هیچ وەڵامێکی بەرپرسی حزبی نادەینەوە، کە سەرجەم وتەکانی دورە لە راستییه‌وه‌.
 
 
 



Dengnet.net - 2024
دروستکراوە لەلایەن کۆمپانیای (کۆدتێك)ەوە
ژمارەی سەردان 1,663,708     ژمارەی میوان 692